update 1.30pm,24th June ඉරානය විසින් කටාර් හි අල් උදෙයිඩ් හි ඇමරිකානු හමුදා කඳවුරට එල්ල කළ මිසයිල ප්‍රහාරය හේතුවෙන් කලාපීය ආතතීන් උග්‍ර වීමත් සමඟ කුවේට්, බහරේන් සහ ඉරාකය ඇතුළු ගල්ෆ් රටවල් කිහිපයක් ආරක්ෂක පියවරක් ලෙස සිය ගුවන් මාර්ග වසා දමා ඇත. ඉරානයේ න්‍යෂ්ටික පහසුකම් වලට එරෙහිව එක්සත් ජනපදය විසින් සිදු කරන ලද ප්‍රහාරවලට ප්‍රතිචාරයක් ලෙස ඉරානය විසින් මෙම මිසයිල ප්‍රහාරය එල්ල කරන ලදී. 

මැදපෙරදිග කලාපයේ ඇතිවී තිබෙන අවිනිශ්චිත තත්ත්වය හේතුවෙන් ශ්‍රීලන්කන් ගුවන්සමාගමට අයත් ගුවන්යානා පහක් මුල් ගමනාන්තය වෙනුවට වෙනත් ගුවන්තොටුපොළවල් කරා හරවා යැවීමට සිදුවී තිබේ. මෙම තත්ත්වය හමුවේ රාජ්‍ය හා පෞද්ගලික ගුවන්සේවා කිහිපයකම ගුවන් ගමන් සැලසුම් වෙනස් කිරීමට සිදුව ඇත.

ඉරානය විසින් කටාර් රාජ්‍යය තුළ පිහිටි ඇමරිකානු අල්-උදෙයිඩ් ගුවන් හමුදා කඳවුරට එල්ල කළ ප්‍රහාරයත් සමඟ මැද පෙරදිග කලාපය ව්‍යසනකාරී තත්ත්වයකට ළඟා වී ඇති බවට ඇල්ජසීරා මාධ්‍ය ආයතනයේ ජ්‍යෙෂ්ඨ දේශපාලන විශ්ලේෂක මර්වාන් බිෂාරා අනතුරු අඟවයි. පැරිසියේ සිට ඇල්ජසීරා නාලිකාවට සම්බන්ධ වූ බිෂාරා මහතා, වර්තමාන ගැටුම් ගැන විශ්ලේෂණය කරමින් කලාපීය ස්ථාවරත්වයට එල්ල වී ඇති තර්ජන සහ ඉතිහාසයෙන් ඉගෙන ගත යුතු පාඩම් ගැන අවධාරණය කළේය.

දෝහා - කටාර් අහසේ මිසයිල ප්‍රතිප්‍රහාර මල්වෙඩි මෙන් ජනතාව නැරඹූ හැටි 

2025 ජූනි 23 වන දින ඉරානය කටාර් රාජ්‍යයේ පිහිටි අල් උදෙයිද් ගුවන් හමුදා කඳවුරට - මැදපෙරදිග පිහිටි විශාලතම ඇමරිකානු හමුදා ස්ථානයට - මිසයිල ප්‍රහාරයක් එල්ල කළේය. මෙම ප්‍රහාරය සිදු කරනු ලැබුවේ පසුගිය සතිඅන්තයේ ඉරාන න්‍යෂ්ටික මර්මස්ථානවලට එරෙහිව ඇමරිකාව සිදු කළ ගුවන් ප්‍රහාරවලට ප්‍රතිචාරයක් ලෙසය.

ජනාධිපති අනුර කුමාර දිසානායක මහතා විසින් මුදල් අමාත්‍යාංශයේ නව ලේකම්වරයා ලෙස ආචාර්ය හර්ෂණ සූරියප්පෙරුම මහතා පත් කර ඇත. මෙම වැදගත් පත්වීම අද (ජූනි 23) දින පෙරවරුවේ ජනාධිපති කාර්යාලයේදී සිදු විය. ජනාධිපති ලේකම් ආචාර්ය නන්දික සනත් කුමානායක මහතා විසින් නව පත්වීම් ලිපිය ආචාර්ය සූරියප්පෙරුම මහතා වෙත භාර දෙන ලදී. මෙම පත්වීම ශ්‍රී ලංකාවේ ආර්ථික ප්‍රතිසංස්කරණ ක්‍රියාවලියේ වැදගත් පියවරක් ලෙස සැලකේ. 

දෙහිවල, කරගම්පිටිය ප්‍රදේශයේ ගල්වල හන්දියේදී අද හවස් කාලයේදී ගල් ප්‍රවාහනය කරමින් සිටි ලොරි රථයක් හදිසියේ ගිනි ගත් බව වාර්තා වේ. දෙහිවල පොලිසිය විසින් නිකුත් කරන ලද නිවේදනයට අනුව, මෙම ගින්න ඇති වීමට හේතුව ලොරි රථයේ ඇති වූ යාන්ත්‍රික දෝෂයක් බව තහවුරු කර ඇත. 

 කිලිනොච්චි ප්‍රදේශයේ පැවති උත්සවයක් මගින් ජනාධිපති අරමුදලේ සේවා ප්‍රාදේශීය ලේකම් කාර්යාල මට්ටමින් ලබාදීම නිල වශයෙන් ආරම්භ කරන ලදී. මෙම සුවිශේෂී වැඩපිළිවෙල රටේ මහජනතාවට අරමුදලේ සේවා වඩාත් පහසුවෙන් ලබාගැනීමට ඉඩ සලසයි.

 රත්න­පුර ප්‍රධාන මහා­ධි­ක­රණ විනි­සුරු, හිටපු කොළඹ ප්‍රධාන මහේ­ස්ත්‍රා­ත්ව­රි­යක වන ලංකා ජය­රත්න මෙණෙ­විය කොළඹ මහා­ධි­ක­රණ විනි­සු­රු­ව­රිය වශ­යෙන් පත්කර ඇත.

නීතිපති දෙපාර්තමේන්තුවේ කාර්ය මණ්ඩලය පිළිබඳව සමාජ මාධ්‍යවල පළ වන අසත්‍ය චෝදනා සම්බන්ධයෙන් නීතිපති පාරින්ද රණසිංහ මහතා විසින් කරන ලද පැමිණිල්ලකට අනුව අපරාධ පරීක්ෂණ දෙපාර්තමේන්තුව (CID) විමර්ශනයක් ආරම්භ කර ඇත.